Gaurkotasuna

Gaurkotasuna



Gazte aktiboenentzako kirola, jarduera eta entretenimendua kiroldegiko udalekuetan

2020/07/03

Gazte aktiboenentzako kirola, jarduera eta entretenimendua kiroldegiko udalekuetan

Zure semeak/alabak ez al du leku itxietan denbora gehiago egon nahi, ez geldi, ez asperturik edota dibertitu gabe? Behar duena honakoa da: 5 eta 15 urte bitarteko neska-mutilentzako multiabentura kirol udalekuen jarduera, udal kiroldegiak antolatzen duena. Jarduerak uztailaren 6tik 24ra egingo dira, eta koronabirusaren pandemiak eragindako osasun-larrialdiko egoerara egokituko dira. Egunean lau orduz, jarduera osasuntsua bere berdinkideekin, abentura-kideekin, ingurune seguru batean, tituludun profesionalek monitorizatuta, eta gure udalerrian. Uztailaren 6ra arte eman dezakezu izena. Ez utzi aukerari ihes egiten. Entretenimendu aktiboko mundu bat!

 

Multiabenturak jarduera freskagarriz betetako hiru aste eskaintzen ditu, eta parte hartzen duten gaztetxoek hainbat ekintzaz gozatzeko aukera izango dute, hala nola, malabarrez, dantzez, atletismoaz, patinajeaz, defentsa pertsonalaz, errugbiaz edo euskal pilotaz. Jarduerak astelehenetik ostiralera egingo dira, 9:30etik 13:30era bitartean, eta egungo egoera dela-eta, jarduera guztiak Ermuan egingo dira.

 

Talde bakoitzean gehienez ere 14 neska-mutil egongo dira, eta guztiek maskara jantzita eraman beharko dute. Jarduerak, ahal dela, Betiondoko futbol-zelaian egingo dira, eta euria eginez gero, Miguel Angel Blanco udal-kiroldegiko pistan edo Aritzmendi pilotalekuko kantxan. Aurten ez da igerilekua erabiliko.

 

Edozein gorabehera edo aldaketa jakinarazteko gurasoekiko harremana azkarra izan dadin, telefono mugikor zenbaki bat eskatzen da, aste bakoitzean egiten diren jarduera bereziei buruzko informazio guztia kanal horren bidez emango baita.

 

Izen-emateak eta osasun neurriak

 

Kirol udalekuetan parte hartzeko izen-emate epea uztailaren 6ra arte, astelehenera arte, egongo da zabalik.

 

Izen-ematea Miguel Angel Blanco udal-kiroldegiko harreran egin behar da. Lerro hauen ostean ikusi dezakezue inskribatzeko orria, baina hori bete aurretik, oso garrantzitsua da neurri higieniko-sanitarioei, Covid-19aren inguruan ezarritako protokoloei eta baimen egokiei buruzko dokumentuak irakurtzea, betetzea eta sinatzea. Hemen dituzue fitxategi guztiak:

  • Inskripzio-orria
  • II. eranskina: jarduera Covid-19aren egoerara egokitzeko plana
  • III. eranskina: Covid-19arekin kutsatzeko arriskua dagoenean edo positibo ematen denean
  • jarduteko eta prebenitzeko protokoloa.
  • IV. eranskina: jardueraren baldintzak, informatzeko betebeharra eta baimen informatua onartzea
  • V. eranskina: nahitaezko higiene- eta prebentzio-neurriak
  • Beharrak eta baimenak
  • Osakidetzako osasun-txartelaren kopia ere aurkeztu beharko da.

 

Izena ematera bertaratzen diren gurasoei edo legezko tutoreei gomendatzen zaie dokumentazio guztia beteta eramatea edo, posible ez denean, boligrafoa eramatea beren datuak betetzeko eta kutsatzeak saihesteko.

 

Hona hemen tarifak:

  • Kiroldegiko abonatuak direnak: 91,75 euro.
  • Abonatuak ez direnak: 133,20 euro.

 

Ordaintzeko onartutako modu bakarra banku-helbideratze bidez ordaintzea izango da, izen-emate fitxan datuak beteaz.

 

Iturria: Ermuko Udala

Pdf-a jeitsi

IMD Ermua

Instituto Municipal de Deportes de Ermua

Ermuko Udal Kirol Erakundea

k/ Diputazio, z/g | 48260 Ermua